Асанкциақәа рызҵаарақәа рзы Евроеидгыла ахаҭарнак ҷыда Девид О’Саливан ҩымштәи авизитла иахьа Қарҭ даҭаауеит. Ари аарыцҳаит Қырҭтәыла иҟоу Евроеидгыла ахаҭарнакра аҟынтә.

Аусҳәарҭа аинформациа ала, Девид О’Саливан Қырҭтәыла анапхгара раҟны азеиԥш интересқәа рсфера иалоу азҵаарақәа дрыхцәажәоит, ҷыдала асанкциақәеи урҭ иеффекту рынагӡареи.

“Авизит хықәкыс амоуп ишиашоу аимадаратә канал аартреи наҟ-наҟтәи аусеицура льаҭас измауа адиалог ашьақәыргылареи роуп. Қырҭтәыла анапхгара аусеицуразы шазыхиоу изныкымкәа аанарԥшхьеит, ҷыдала ахаҭарнак ҷыда изивизт аан ихымԥадоу азҵаарақәа ирыдҳәаланы, аусеицура ӷәӷәа шынагӡахо агәра ҳгоит.

Авизит аҳәаақәа ирҭагӡаны аиԥыларақәа мҩаԥгахоит аԥыза-министр Иракли Ӷарибашвилии, Адәныҟатәи аусқәа рминистр Илиа Дарчиашвилии, вице-аԥыза Леван Давиҭашвилии, Афинансқәа рминистр Лаша Хуцишвилии, Амилаҭтә банк ахада инапынҵақәанызагӡо Арчил Мествришвилии апрокурор хада Иракли Шоҭаӡеи рҟны”, – иануп аинформациа аҿы.