Аргентина  1919 шықәсазы зегьы раҧхьа Қырҭтәыла ахьыҧшымра иазхазҵаз атәылақәа иреиуп. Аргентинеи Қырҭтәылеи еиҧҟьарада адипломатиатә еизыҟазаашьақәа рыбжьоуп, – илҳәеит Аргентина адәныҟатәи аусқәа рминистр Диана  Мондино ақырҭуа лколлега Илиа Дарчиашвили даниҧыла ашьҭахь.

Лара лажәақәа рыла, ҩ-тәылак ртрадициатә аиҩызара наҟ-наҟ иаҳа иҕәҕәахоит.

Аргентина адәныҟатәи аусқәа рминистр лажәақәа рыла, ҩ-континентк рымҩеихысырҭаҿ иҟоу астратегиатә ҭыҧ абзоурала, Қырҭтәыла Европеи Азиеи рыбжьара  ацҳас иҟалар, ацентр астатус аиур алшоит.

Диана Мондино ишазгәалҭаз ала, аҿиара апроцессаҿ Қырҭтәыла Латинтәи Америка иақәгәыҕыр алшоит.

Қырҭтәыла адәныҟатәи аусқәа рминистр Илиа Дарчиашвили Аргентинатәи ареспубликаҿ ивизит азгәаҭаразы, Аргентина Адәныҟатәи аусқәа рминистрраҿы ицәырган   1919 шықәсазы Аргентина ахада Иполито Оригоиен Қырҭтәыла раҧхьатәи адемократиатә республика ахьыҧшымра дшақәшаҳаҭу зырҵабыргуа аҭоурыхтә декрет. Аргентинатәи аколлега Диана Мондино Илиа Дарчиашвили илҭеит зыӡбахәы ҳәоу аҭоурыхтә документқәа рыхкьыҧхьаақәа.