Анапхгаратә партиа «Ақырҭуа гәахәтәы» аделегациа Китаиҟа идәықәлеит. Аделегациа дахагылоуп апартиа ахантәаҩы  Иракли  Кобахиӡе.

Апартиа апресс-маҵзура адыррала, аделегациа алахәылацәа Пекини Шанхаи зыҩаӡара ҳараку аиҧыларақәа мҩаҧыргоит.

Ақырҭуа делегациа иалоуп апарламент ахантәаҩы актәи ихаҭыҧуаҩ Гьаргь Вольски, апарламент ахантәаҩы ихаҭыҧуаҩ  Иракли Чиқовани,  адәныҟатәи еизыҟазаашьақәа рзы акомитет ахантәаҩы  Николоз Самхараӡе, аекономикеи аекономикатә политикеи рзы акомитет ахантәаҩы Давиҭ Сонҕулашвили,  ақыҭанхамҩатә зҵаарақәа рзы акомитет ахантәаҩы  Нино Цилосани, аспорт азы акомитет ахантәаҩы  Виктор Саникиӡе.

«Ақырҭуа гәахәтәы» адепутатцәа Китаитәи жәлартә республикаҿы рвизит мҩаҧысуеит ажьырныҳәа  14 – 20 рзы, — иануп апартиа апресс-маҵзура аинформациаҿы.