Қырҭтәыла аҧыза-министр Иракли Ҕарибашвили Шәамахьтәылатәи ареспублика атәылахьчара аминистр Сурен Папикиан диҧылеит. 

Аиҧылараан ҩ-тәылак реигәыларатә еизыҟазаашьақәеи атәылахьчара аусхкы аҿы аусеицура иаҵанакәа азҵаарақәеи ирылацәажәеит. Ишазгәаҭаз ала, Қырҭтәылеи Шәамахьтәылеи атәылахьчара аусхкы аҿы кыршықәсатәи аусеицура аҧышәа ду рымоуп. Ишазгәаҭаз ала, авизит аан аганқәа рнапы зҵарҩыз   2022 шықәсатәи ҩ-ганктәи аусеицура аплан арегион аҿы аҭынчра арҕәҕәара иацхраауеит. 

Аиҧылара алахәылацәа ашәарҭадара азҵаарагьы иазааҭгылеит. Иаҵшьны иазгәаҭан Украина имҩаҧысуа аибашьра аглобалтә шәарҭадаразы иамоу анырра, Аахыҵ Кавказ арегион аҿгьы. Иара убас, ишазгәаҭаз ала, арегион аҿы хымҧада аҭынчреи аҭышәынтәалареи еиқәыршәатәуп.