«Ишубарҭоу ала, “Лело” алахәылацәа апартиа аҩныҵҟа изеиқәшаҳаҭымхеит, алхрақәа рҟынӡа аамҭа маҷуп, убри аҟынтә, уажәазы аиқәшаҳаҭра зыҟамлеит», — апартиа «Қырҭтәылазы» ари аҳәамҭа аланарҵәеит асоциалтә аҳаҿы.

Аҳәамҭа ишану ала, апартиа «Қырҭтәылазы» хықәкыс иамоуп  «Амилаҭтә ҵысра» имырхынҳәкуа  «Ақырҭуа гәахәтәы» амчра  рымхра.

«Ҳара Қырҭтәыла ахада даҽазнык ҭабуп ҳәа лаҳҳәоит, лара атәылаҿ имҩаҧысуа аполитикатә процессқәа рҿы зҵакы дуу ароль налыгӡоит. Лара лыҧшьгаралоуп аҵыхәтәантәи амшқәа рзы аполитикатә дискуссиа шымҩаҧааго. Иара убас, апартиа «Лелогьы» ари адискуссиа алахәызааразы ҳаҭабууп.

Ҳполитикатә гәыҧ азы аҳәынҭқарра амилаҭтә интересқәа еснагь аҧыжәара рыман.

Убри аҟынтә, ҳара ҳпартиатә интересқәа ҳарзымхәыцкәа, зегь рзы мап ҳкит, аха, егьи апартиа алахәылацәа ишырҳәаз ала,  аҩныҵҟатәи акаолициатә аиқәшаҳаҭразы аамҭа рҭахуп. Ишубарҭоу ала, “Лело” алахәылацәа апартиа аҩныҵҟа изеиқәшаҳаҭымхеит, алхрақәа рҟынӡа аамҭа рацәам, убри аҟынтә, уажәазы аиқәшаҳаҭра зыҟамлеит.

Ҳареи «Лелои» ҳабжьара иалагаз адискуссиа агәыҕра ду ҳнаҭоит анеҩстәи ааҧхьара апарламентаҿ аусеицура ҳалшап ҳәа.  Ҳара хықәкыс иҳамоуп  «Амилаҭтә ҵысра» имырхынҳәкуа  «Ақырҭуа гәахәтәы» амчра  рымхра», — иануп апартиа аҳәамҭаҿы.