Аметроааҭгыларҭаҿ аҭыԥ змаз афакт инамаданы, апартиа “Қырҭтәылазы” идҵаны иқәдыргылоит апарламент ашҟа аԥыза-министри Аҩнуҵҟатәи аусқәа рминистри иааирц. Ари атәы абрифинг аҿы аалыцҳаит апартиа ахантәаҩы ихаҭыҩуаҩ Наҭиа Мезвришвили.

“Аҳәынҭқарратә инспектор иҟалҵаз ақәҿыҭра лас ҳадгылоит, аха ари азҵаара аԥыза-министри Аҩнуҵҟатәи аусқәа рминистри анапхгара аполитикатә ҭакԥхықәра аганахьала ҳазааҭгылоит. 2018 шықәсазы аполициатә усзура ахаҭабзиара аиӷьтәреи абри еиԥш ацәгьаурақәеи рыҿагыларазы ауаҩытәыҩса изинақәа рыхьчара адепартамент аԥҵан, асистема ареформа ҳалагеит, аполитика џьбарахеит.

Уажәы сзыхцәажәоу аусқәа зегьы аанкылоуп. Адепартамент арӷәӷәареи, амандат азҳареи ҟамлеит. Аусԥшааратә система ареформа аанкылоуп, амчылара аԥырҟәҟәааразы аусҳәарҭа заҵәык – Аҳәынҭқарратә инспектор имаҵзура аԥыхуп. Убри аҟынтә,  идҵаны иқәҳаргылоит апарламент ашҟа аԥыза-министри Аҩнуҵҟатәи аусқәа рминистри иааирц,” – илҳәеит Мезвришвили.