Амилаҭтә шәарҭадара ахеилак амаӡаныҟәгаҩ инапынҵақәа рынагӡара Гьаргь Гахариа идырҵеит
Аҧыза-министр инапхгарала, Амилаҭтә шәарҭадара ахеилак актәи аилатәара мҩаҧысраны иҟоуп.
Аиҳабыра радминистрациа аҟынтә ишаарыцҳаз ала, Амилаҭтә шәарҭадара ахеилак амаӡаныҟәгаҩ инапынҵақәа рынагӡара Гьаргь Гахариа идырҵеит.
„Қырҭтәыла Аҧыза-министр Мамука Бахтаӡе инапхгарала, уацәы, лаҵара 1 азы, асааҭ 12:00 рзы, Амилаҭтә шәарҭадара ахеилак актәи аилатәара мҩаҧысуеит. Аиҳабыра рнапхгаҩы идҵа ала, Амилаҭтә шәарҭадара ахеилак амаӡаныҟәгаҩ инапынҵақәа наигӡоит авице-аҧыза, аҩнуҵҟатәи аусқәа рминистр Гьаргь Гахариа. Аҧыза министр адҵа ҟаиҵеит „Амилаҭтә шәарҭадара аполитика апланшьҭыхреи акоординациеи аҧҟара иазку“ Қырҭтәыла азакәан инақәыршәаны.
Амилаҭтә шәарҭадара ахеилак дахагылоуп Аҧыза-министр Мамука Бахтаӡе, ахеилак еиҿкаауп ааҩык алахәылацәа рыла.
Ахеилак еснагьтәи алахәылацәа роуп аҩнуҵҟатәи аусқәеи, адәныҟатәи аусқәеи, афинансқәеи рминистрцәеи, аҳәынҭқарратә шәарҭадареи аҧшыхәареи рмаҵзурақәа рнапхгаҩцәеи, атәылахьчаратә мчқәа рнапхгаҩи.