Ҳуааҧсыра амедиеи асоциалтә аҳақәеи рҿы еиҧҟьарада аларҵәара змоу адезинформациа иадҳәаланы аинформациа иаша раҳҭар ҳҭахуп.  Ари аманипулиациеи иҵаҵгәыркым аинформациа аларҵәареи акампаниа аҟазшьа аиуит, уи алхыҩцәа ржьара ауп изызку, – илҳәеит Алхратә комиссиа хада апресспикер Наҭиа Иоселиани.

Алхратә комиссиа хадаҿы ишырҳәаз ала, ауааҧсыра  алхратә процесс иадҳәаланы аинформациа иаша рымазароуп, уи алхратә администрациазы аҵакы ду амоуп.

„Аполитикатә зҿлымҳара змоу ауаа  еиуеиԥшым аамҭақәа рзы абыжьқәа рыҧхьаӡаратә  аппаратқәа рҟынтәи ироуз адыррақәа ирызкны ииашам аинформациа аладырҵәоит, арҭ адыррақәа еиҧшымзшәа рҳәеит, абри зегьы  аманипулиациатә  кампаниа анагӡароуп. Хелвачауртәи 16-тәи алхырҭаҿы 3 аппаратк иҟоуп, раҧхьатәи аетапаз 2 аппаратк рҟынтә адыррақәа кьыҧхьын, анеҩс, ахҧатәи аппарат адыррақәагьы цәырган. Аппаратқәа рыхҧагьы рҟынтә иҟоу адыррақәеи напыла иҧхьаӡоу абиуллетенқәа рхыҧхьаӡареи еиқәшәоит.

Даҽа манипулиациак мҩаҧгоуп Сагареџьо алхырҭак аҿы амч зцәыӡхьоу ахаҭара агәраргагала абжьыҭира азҵааразы. Абри аҩыза афактқәа рацәазшәа рҳәеит, ҳәарада, уи мцуп. Аконкреттә факт иадҳәаланы ашшыҧхьыӡ алаҵоуп, уи иашьашәалоу апроцедура инақәыршәаны ҳахәаҧшуеит. Аха, ари афакт иадҳәаланы иаҵшьны иазгәаҳҭар ҳҭахуп зыӡбахәы ҳәоу, амч змамыз ахаҭара агәраргага зтәыз ауаҩы амч змаз апаспорт шимаз, убри азоуп иара алхыҩцәа рсиа дзаныз.

Иара убас, Қырҭтәыла ахада иҟалҵаз адескридитациатә аҳәамҭа ҳахцәажәар ҳҭахуп. Саломе Зурабишвили, изакәызаалак шьаҭак  лымамкәа, аргама илҳәеит алхрақәа рҧаршеиразы алхратә технологиақәа ахархәара рымазшәа, ҳара зегьы ирыбжьаагоит  америкатә еилахәыра PRO V&V аҳасабырба иаҧхьарц, проблемақәак рбар, азинтә ҭагылазаашьақәа рхы иадырхәарц. Ҳара ауааҧсыра аинформациа иаша рыҭара наҳагӡоит,  дезинформациакгьы ақәҿыҭрада иаанҳажьуам“, – ирҳәеит Алхратә комиссиа хадаҿы.