«Алхыҩцәа ргендертә статистика иазкны  ииашам аинформациа аларҵәара нарыгӡоит», – илҳәеит Алхратә комиссиа хада апресс-маӡаныҟәгаҩ Наҭиа Иоселиани.

Лара лажәақәа рыла, агендертә статистика   аофициалтә дыррақәа акәӡам.

«Абжьыҭира иалахәыз алхыҩцәа рреалтә хыҧхьаӡара ҳәаақәҵоуп абжьыҭира алҵшәақәа аихшьаалатә протоколқәа рыла. Абжьыҭира аҽны, асааҭ  20:00 рзы иҟаз адыррақәа заанаҵтәи адыррақәа роуп. Алхрақәа ирылахәыз алхыҩцәа ирызку аҵыхәтәантәи  адыррақәа аарҧшуп алхырҭақәа рҽы иҟаз алхратә комиссиақәа ицәырырго аихшьаалатә протоколқәа рҿы. Алхратә комиссиа хада  ахаҭарнакцәа ауааҧсыра аилыркаарақәа рырҭахьеит, ҳара еилыкка иаҳҳәеит агендертә статистика аофициатә дыррақәа шакәым.

Ҳара ажәлар иргәалаҳаршәар ҳҭахуп аиҿкаара  «Ииашоу алхрақәа» ахаҭарнакцәа ишырҳәаз дара жьҭаара  26 рзы еицтәараны имҩаҧыргаз абыжьқәа рыҧхьаӡара алҵшәақәеи Алхратә комиссиа хада ицәырнагаз заанаҵтәи алҵшәақәеи ишеиқәшәаз.  Ҳара  “Ииашоу алхрақәа” ахь ааҧхьара ҟаҳҵоит, амцҳәара иаҟәыҵны, еицтәараны абыжьқәа рыҧхьаӡара алҵшәақәа цәырыргарц, убри анеҩс аспекулиациақәа хыркәшахоит», – илҳәеит Алхратә комиссиа хада апресс-маӡаныҟәгаҩ.