Алхратә комиссиа хада ахантәаҩы Гьаргь Каландаришвили  NDI анаҧшратә миссиа ахаҭарнакцәа дырҧыланы,  жьҭаара 26 рзы имҩаҧгаз алхрақәа ирыдҳәалоу азҵаарақәа рзы драцәажәеит.

Аиҧылраҿы Гьаргь Каландаришвили абжьыҭира амш азгьы уи ашьҭахьгьы иҟаз аҭагылазаашьа иадҳәалоу азҵаарақәа зегьы инарҭбааны дрылацәажәеит. Иара алхрақәа ирыдҳәалоу аимакқәеи, аӡбарҭаҿ рыхәаҧшреи, Алхратә комиссиа хада иазықәдыргылаз ахарадҵарақәеи, адезинформациатә кампаниеи, иара убас, америкатә еилахәыра  PRO V&amp ицәырнагаз аудит ахҧатәи, аҵыхәтәантәи аетап аихшьаалеи далацәажәеит. Аганқәа рхаҭарнакцәа жәларбжьаратәи анаҧшратә аиҿкаарақәа алхрақәа ирызкны ицәырыргаз заанаҵтәи аҳасабырба иазааҭгылеит, уи аҿы  администрациа аусушьеи абжьыҭира апроцессаан  атехнологиатә интервенциеи ахәшьара бзиа рыҭан.

„Амилаҭтә демократиатә институт“ (NDI) жьҭаара 26 рзы имҩаҧысуаз апарламенттә алхрақәа атәыла зехьынџьара ирыцклаҧшуан. Аиҿкаара ахаҭарнакцәа алхратә администрациа ҭабуп ҳәа рарҳәеит активла аусеицуразы. Алхратә комиссиа хадаҿы имҩаҧгаз аиҧылара рхы аладырхәит  „Амилаҭтә демократиатә институт“ анаҧшратә миссиа ахаҭарнакцәа Наташа Ротчаилди, Риши Датеи, Роберт Бистрицкии.

Ари аинформациа аланарҵәеит Алхратә комиссиа хада апрессмаҵзура.