Иахьа Алхратә комиссиа хадаҿы имҩаҧгаз абрифинг акомиссиа аусуҩцәа рықәмақарреи рықәыҕәҕәареи афактқәа ирызкын.  Абрифинг мҩаҧигеит Алхратә комиссиа хада ахантәаҩы ихаҭыҧуаҩ Гьаргь  Шарабиӡе.

Гьаргь Шарабиӡе ишиҳәаз ала,  алхратә администрациа азакәан инақәыршәаны аус ауеит,  апроцессқәа зегьы аартуп,  аха,  уезгьы,  акомиссиа изакәызаалак шьаҭак змам ахарадҵарақәа азықәдыргылоит,  акомиссиа аусуҩцәа ирықәыҕәҕәоит.

«Алхратә комиссиа хада аиуристтә департамент ахаҭарнакцәа рзы апровокациақәа мҩаҧыргоит.  «Амилаҭтә ҵысра» аполитхеилак алахәылацәа руаӡәы ҳколлегацәа ишақәым ала драцәҳаит,  дрықәыҕәҕәон, ажурналистцәа рҿаҧхьа   афактқәа рҧаршеира иҽазикит.  Зыӡбахәы ҳәоу апровокациатә инцидент иалагеит иацы ақалақьтә аӡбарҭаҿ имҩаҧысуаз апроцессаан,  нас,  ари аинцидент адәахьы инагӡахеит.

Ҳара,  аҭыҧантәи,  иара убас,  жәларбжьртәи анаҧшратә аиҿкаарақәа рахь ааҧхьара ҟаҳҵоит иҟалаз афакт иахәҭоу ақәҿыҭра арҭарц,  избанзар,  абри аҩыза афактқәа алхратә процесс иаҧырхагоуп», — иануп Алхратә комиссиа хада аҳәамҭаҿы.