«Беларус арбџьармчқәа иҳараку ақәҧаратә ахиазаараҿ иҟоуп», —иҳәеит Беларус ахада Алеқсандр Лукашенко.

Лукашенко иҳәамҭала, арбџьармчқәа рыхиазаара агәаҭара ахымҧадара цәырҵит Урыстәыла Бриансктәи атәылаҿацәаҿ урыстәылатәи 4 ҳаипланк анкарыжьыз ашьҭахь.

«Ҳҳәынҭқарра ашәарҭадара азҵаара лассы-лассы ҳалацәажәоит, ҷыдала, аҳаиртә қәыҧшылараҿы. Ишызбо ала, уажәазы аҭагылазаашьа шәарҭам, аха, ҳзыргәамҵуа факторқәак иҟоуп. Хымш раҧхьа ҳааигәара иҟалаз ахҭысқәа рышьҭахь Беларус арбџьармчқәа иҳараку ақәҧаратә ахиазаараҿ иҟоуп.  Ишыжәдыруа еиҧш,  Бриансктәи атәылаҿацәаҿ урыстәылатәи 4 ҳаирпланк  карыжьит. Ҳара ари афакт хымҧада ақәҿыҭра аҳҭар акәын.  Ҳтәыла акәша-мыкәша имҩаҧысуа ахҭысқәа ҳрыцклаҧшуеит. Ари аҭагылазаашьа ахырхарҭа, аҿиара аперспектива, абри зегьы интересс иҳамоуп. Иааркьаҿны. Аршәарада.  Аамҭакьаҿлатәи аперспективаҿ иаҳзыҧшу аадыруазароуп», — иҳәеит  Алеқсандр Лукашенко.

АИХ адыррақәа рыла, абри аҳәамҭала Лукашенко аофициалла ишьақәирҕәҕәеит Урыстәыла аҵакырадгьылаҿ арратә 2 ҳаирпланки 2 вертолиотки шкарыжьыз.