Аклиника "Аверси" аҟынтә хҩык абаандаҩцәа рыбналара аус азы Ахьчаратә маҵзура аусзуҩк даанкылоуп

15:03, 02.11.2023

Аклиника “Аверси” аҟынтә хҩык абаандаҩцәа рыбналара иадҳәаланы Ахьчаратә маҵзура аусзуҩк даанкылоуп. Аиустициа аминистрра апресс-маҵзураҿы ари аинформациа шьақәдырҕәҕәеит.

Дара ишырҳәаз ала, Ахьчаратә маҵзура аусзуҩ даанкылоуп имаҵзуратә ҧхықәрақәа рынамгӡара ма ишахәҭоу еиҧш рынамгӡаразы.

Зыӡбахәы ҳәоу ацәгьауразы иазҧхьагәаҭоуп хышықәсанӡа аҭакра.

Иацы аклиника «Аверси» аҟынтә хҩык абаандаҩцәа ибналеит. Иахьа руаӡәы дааныркылеит. Аларҵәара зауз аинформациала, иаанкылоу абаандаҩы иқәра наӡам, азинхьчаҩцәа иара анхарҭатә ҩнык аҿы дааныркылеит.

Аиустициа аминистрра Аинспекциа хада аусеилыргара мҩаҧнагоит хҩык абаандаҩцәа рыбналара афакт азы.

АЗИН

абаандаҩцәа рыбналара

ავერსი