Қырҭтәыла Аҧыза-министр иҭыҧ азы акандидат Гьаргь Гахариа,  Қырҭтәыла Аконституциеи апарламент арегламенти иашьашәаланы, ажәабатәи ааҧхьара апарламент адигалеит аиҳабыра реилазаареи аиҳабыратә программеи  — «Европатәи аҳәынҭқарра аргыларазы». Ари аинформациа аланарҵәеит Қырҭтәыла аиҳабыра русмҩаҧгарҭа.

Аиҳабыратә программа  — «Европатәи аҳәынҭқарра аргыларазы» хықәкыс иамоуп апандемиа иахылҵыз акризис излауа ала ирласны  алҵреи, ирласны аекономика аиҭашьақәыргылареи аҿиареи, атәылауаҩ цыҧхьаӡа иҭышәынтәалоу ишәарҭам алагылазаара изеиқәыршәареи, аструктуратә реформақәа рынагӡареи.

Аамҭакала, атәыла адемократиа арҕәҕәареи европатәи евроатлантикатәи интеграциеи ахырхарҭала ашьаҿақәа рыҟаҵара нанагӡоит.  Ахадаратә хықәкыс иҟалоит аинституциатәи, аекономикатәи, асоциалтәи ганахьала атәыла армазеира  2024 шықәсазы Евроеидгыла алалара амзызла азыҳәамҭа аҟаҵаразы.

Убри аҟынтә,  Қырҭтәыла аиҳабыра русураҿы ахадаратә ҵакы рымазаауеит абарҭ ахырхарҭақәа:

адәныҟатәи аполитикеи, ашәарҭадареи, аимакқәа рҭыҧқәҵареи, ауаҩытәыҩса изинқәеи;

. аекономикатә аҿиара;

∙ асоциалтә политикеи ауаҩытәыҩсатә капитал арҿиареи;

∙ аҳәынҭқарратә напхгараҭара.