Аҳәынҭқарратә еилахәыра, жәабаҟа алокациақәа рҿы, Саҧерави ажьхкы ларкибжаки ҳәа аднакылоит, иахьа уажәраанӡа ларкибжаки еиҵны Саҧерави ажьхкы зҭииз аӡахәааӡаҩцәа ахә аиҧшымзаара ахҩаразы аҳәынҭқарра аҟынтә акомпенсациа роуеит , – иҳәеит Қырҭтәыла аԥыза-министр Иракли Кобахиӡе абрифинг аҿы.

„Шәызынтәгьы ибзианы ижәдыруеит Қырҭтәыла аҩы аҧсадгьыл шакәу, ақырҭуа аҩы  – ҳтәыла аӡыргаратә хархәагақәа ишреиу. Убри аҟынтә, Қырҭтәыла аиҳабыра аӡахәааӡареи аҩыҟаҵареи аҵакы ҷыда ранаршьоит. Қырҭтәыла аиҳабыра рҽазышәара абзоуралоуп  2012 шықәса анеҩс Қырҭтәыла аӡахәаҭрақәа рҵакыра 70 наӡынала ишазҳаз, ажь аус адулара арбага хәынтә иазҳаит, ақырҭуа аҩы аекспорт ҧшьынтә иазҳаит. Ҵыҧх, Қырҭтәыла, аҩы аекпорт аҟынтә зеиҧшҟамлац ала ахашәала ду аиуит – 259 миллион адоллар, 2012 шықәсазы 71,5 миллион адоллар мацара ахашәала иҟан. Аӡахәааӡаҩцәа рхашәала 35 миллион лари аҟынтә 300 миллион лари аҟынӡа иазҳаит“, – иҳәеит Иракли Кобахиӡе. 

Иракли Кобахиӡе ишазгәеиҭаз, сынтәатәи апрогнозқәа рыла, ирҭаауеит 300 000 тона ажь.