Аҳауагәаҭаҩцәа рдыррақәа рыла, ажьырныҳәа 12-15 рзы Қырҭтәыла амш цәгьахоит
Ажьырныҳәа 12-15 рзы Қырҭтәыла асоура иаҿызаауеит, ҭыҧқәак рҿы аҧша цәгьеи, асыҭәҳәеи иазыҧшуп, афымцамҩангагақәа иҵаар ауеит, – ари аинформациа аланарҵәеит Аҧсабаратә лагылазаара амилаҭтә агентра.
Агентра адыррала, амшынаҿ 3-4 абалл ашторм ҟалоит.
„Ажьырныҳәа 14-15 рзы уахынла аҳауа атемпература каҳауеит -3, -5 градус аҟынӡа. Ацитрусқәа аҧхасҭа роуеит.
Автомобилтә мҩақәак рҿы атранспорт аиҭаҵра ааныркылар ҟалап“, – аарыцҳаит Аҧсабаратә лагылазаара амилаҭтә агентра аҟынтәи.