Тбилисский городской суд ақәҵара ҟанаҵеит ақҭаб мза 4 азы иҟалаз ахҭысқәа рзы ааҩык абаандаҩцәа рҿаԥхьа.

Аӡбарҭа иаднакылаз аӡбарала, Зураб Ҷавҷаваӡе, Владимир Гвелесиани, Амиран Долишвили, Антон Варданиӡе, Александр Чилачава, Геннади Купреишвили, Сулхан Туӷши, Рамаз Мамулаӡе хә-шықәса рықәҵан.

Урҭ стратегиатә, ҷыдала акыр зҵазкуа аобиект гәыԥла ампыҵахалара рҽазыршәеит, иара убасгьы гәыԥла ақәымчрақәа рхы аладырхәит ҳәа ахара рыдҵан. Иарбоу ацәгьаурақәа рзы ашьауӷа шьауӷас ирзыԥҵәоуп фышықәса рҟынӡа ахақәиҭра алхәдатәра.

Ари аеписод аҿы 14ҩык ахара рыдҵан. Урҭ рҟынтәи фҩык – Гьаргь Қорқиа, Гьаргь Руруа, Хвича Гогохиа, Леван Џьиқиа, Лаша Иванаӡе, Серго Мегрелишвили – рыгәра агара азы аиқәшаҳаҭра рыбжьарҵеит, насгьы ишиашоу аӡбарҭа азал аҟынтәи иоурыжьҭит.