Берлин «ITB Berlin 2023» аофициалла аадыртуеит хәажәкыра  6 рзы,  ауснагӡатә ааиртуеит Қырҭтәыла аҧыза-министр Иракли Ҕарибашвили, — иануп  ITB Berlin аофициалтә саит аҿы.

Аиҿкааҩцәа ринформациа инақәыршәаны,  Берлин имҩаҧысраны иҟоу Жәларбжьаратәи атуристтә цәыргақәҵа  аартра ацеремониа иара убас рхы аладырхәоит Германтәыла авице-канцлери  аекономика аминистри  Роберт Хабеки, Берлин ахада  Франциска Гиффаии,  берлинтәи ацәыргақәҵа адиректор  Дирк Фохманни.  Ацеремониа рхы аладырхәоит  ЕАР Атуризм адунеизегьтәи аиҿкаара амаӡаныҟәгаҩ хада   Зураб Пололикашвили   Ахәаахәҭреи атуризми рзы адунеизегьтәи ахеилак ахада Иулиа Симпсони.

Ацәыргақәҵаҿы Қырҭтәыла аконцепциа хада  – «Иҳәаадоу асадкылара».

Берлинтәи ацәыргақәҵа мҩаҧысуеит хәажәкыра  7-9 рзы.

ITB Berlin мҩаҧысуеит   1966 шықәса инаркны.  2019 шықәсазы,  аглобалтә пандемиа ҟалаанӡа,   ITB Berlin иалахәын  10 000ҩык ауааҧсыра  181 ҳәынҭқаррақәа рҟынтә. Ацәыргақәҵа иаҭааит  160 000ҩык ахәаҧшцәа, ауснагӡатә аҿы аус руан  5 000ҩык ажурналистцәа.