Антикоррупциатә биуро ахь ааԥхьара ҟасҵоит “Transparency International Georgia” иазку аӡбара аиҭахәаԥшар иалагарц, алхрақәа мҩаԥгаанӡа аиҿкаара астатуси егьырҭ асубиектқәа астатусқәа ранашьара апроцесс ааннакыларц, – иануп Қырҭтәыла аԥыза-министр Иракли Кобихиӡе иҟаиҵаз аҳәамҭа аҿы.

“Ажәлар ишырдыруа еиҧш, Қырҭтәыла Антикоррупциатә биуро аӡбара аднакылеит аиҿкаарақәак, урҭ рыбжьара, „Жәларбжьаратәи аартызаара – Қырҭтәылагьы”,  алхратә хықәкы змоу аиҿкаара астатус рыҭара иазкны. 

Жәларбжьаратәи аартызаара – Қырҭтәыла” алхратә хықәкыс ирымоу ажәлар ирыларҳәеит, дара анапхгара партиа иаҿагыланы, иаартны алхратә агитациеи апропагандеи мҩаҧыргоит, убри азыҳәан иашьашәалоу афинанстәи егьырҭ аматериалтәи ресурсқәа рхы иадырхәоит, дарбанзаалак аобиективтә анаҧшҩы абри зегыь лабҿаба ибоит. Убри аҟынтә, Антикоррупциатә биуро иаднакылаз аӡбара, азинтә ганахьала, агхадарат иреиҳаӡоу астандартла иҵаҵгәыркуп,  „Атәылауаа рполитикатә аидҵарақәа ирызку” Қырҭтәыла аоргантә закәан аҳәарақәа ирышьашәалоуп. Убри аҟынтә, актәи аинстанциа аӡбарҭа Антикоррупциатә биуро аӡбара ииашоуп ҳәа ишьақәнарҕәҕәеит, уи уамашәа иубаратәы иҟам.

Аха, аҳәынҭқарратә интересқәеи, насгьы, раҧхьа иргыланы, алхратә процессаҿ адәныҟатәии аманипулиациақәа рҽацәыхьчареи амзызла, „Жәларбжьаратәи аартызаара – Қырҭтәыла” иарҭаз алхратә хықәкы змоу аиҿкаара астатус иаҧыхтәуп ҳәа иҳаҧхьаӡеит. Иара убас, „Жәларбжьаратәи аартызаара – Қырҭтәыла” мацара Антикоррупциатә биуро аӡбара азымӡырҩра азаанаҵҳаит хамҵара алхратә хықәкы змоу аиҿкаарас иазхаҵоу егьырҭ асубиектқәа рзгьы абри аҩызаҵәҟьа азнеишьа иҟазароуп ҳәа ҳгәы иаанагоит”, -иануп аҳәамҭа аҿы.