Ҭырқәтәыла иҟоу Қырҭтәыла ацҳаражәҳәаҩ Гьаргь Џьанџьӷава аԥсабаратә рыцҳара азонаҿ иҟоу Қырҭтәыла атәылауаа рахь ааԥхьара ҟаиҵоит иахьыҟоу аҭыԥ иазкны аинформациа адипломатиатә хаҭарнакрақәа рырҭарц.

Ацҳаражәҳәаҩ ишааицҳаз, хабарда иӡит ҳәа иԥхьаӡаз ҳтәылауаа зегьы ԥшаауп, урҭ иреиуоуп ашьапылампыласҩцәагьы, адгьылысраан иҭахеит Қырҭтәыла ҩыџьа атәылауаа.

„Уажәы иҟоу адыррақәа рыла, 1700-ҩык иреиҳаны ҭахеи, ахәрақәа роуит 9000-ҩык рҟынӡа. Еилаҳаит 4000 ҩнқәа. Ҩыџьа ҳтәылауаа ҭахеит. Ҳтәылауаа рҟны аимадара ҳамоуп. Хабарда иӡит ҳәа иԥхьаӡаз ҳтәылауаа зегьы ԥшаауп, урҭ иреиуоуп ашьапылампыласҩцәагьы. Аԥсабаратә рыцҳара ахьыҟалаз аҭыԥ аҭаара иуадаҩуп, убри аҟынтә аԥсабаратә рыцҳара азонаҿ иҟоу Қырҭтәыла атәылауаа рахь ааԥхьара ҟасҵоит иахьыҟоу аҭыԥ иазкны аинформациа адипломатиатә хаҭарнакрақәа рырҭарц. Адокументқәа, анхарҭадақәа рыда иаанхаз Қырҭтәыла атәылауаа адырра ҳарҭароуп”, – иҳәеит Гьаргь Џьанџьӷава.