«Абри ашьаҿа ҿыц Ҭырқәтәылеи, Шәамахьтәылеи, Азербаиџьани, Қырҭтәылеи рыбжьара ҧшь-ганктәи аусеицурагьы арҕәҕәоит ҳәа сгәы иаанагоит», — иҳәеит Ҭырқәтәыла ахаҭарнак ҷыда Сердар Килич Никол Ҧашиниан иҟаиҵаз аҳәамҭа данахцәажәоз.
Уаанӡа Шәамахьтәыла аҧыза-министр ишиҳәаз ала, аихамҩа Ахалқалақи-Ҟарс, азеибаиџьантәи аихамҩа еиҧшҵәҟьа, Шәамахьтылантә аекспорти аимпорти азы ихиоуп.
«Ҭырқәтәылеи Шәамахьтәылеи реизыҟазаашьақәа реҕьтәра апроцесс аҳәаақәа ирҭагӡаны ишиашо ахәаахәҭразы ашьаҿа ҿыц ҟаҵоуп. Ари ашьаҿа Ҭырқәтәылеи, Шәамахьтәылеи, Азербаиџьани, Қырҭтәылеи рыбжьара ҧшь-ганктәи аусеицурагьы арҕәҕәоит, абарҭ атәылақәа зегьы ақәҿиара ҿыцқәа рзааганы, арегионалтә ҭынчреи аҭышәынтәалареи иацхраауеит ҳәа сгәы иаанагоит», — иҳәеит аҭырқәа дипломат.