Қырҭтәыла апарламенти Ауаажәларратә дырраҭареи русеицура аформа ҿыц аиуеит, амеморандум ала иазыԥхьагәаҭоуп апарламенттә уснагӡатәқәа ишиашоу ртранслиациа , – илҳәеит Актәи аканал адиректор хада Ҭинаҭин Берӡенишвили.

“Европа адырраҭарақәа реидгыла иалоу 56 тәылақәа р-112 аиҿкаара реиԥш, азеиԥш хәынаӡарақәа ҳрыдгылоит, амеморандум ала иазыԥхьагәаҭоуп ауааԥсыра азакәанԥҵаратә аиҿкаара аусзура иазку адыррақәа рыҭара.

Адунеи аҿы апарламентқәа 52% рхатә каналқәа ирымоуп, 48% – егьырҭ а каналқәа рхы иадырхәоит. Иара убас ирымоуп рхатә онлаинтелехәаԥшра. Аха Қырҭтәыла ишыҟоу еиԥш/, ауаажәларратә дырраҭара аинформациа аиуразы ихадоу хыҵхырҭас аанхоит“, –илҳәеит Ҭинаҭин Берӡенишвили.

Ауаажәларратә маҵзуреи Қырҭтәыла апарламенти аусеицуразы амеморандум рыбжьарҵеит. Адокумент инақәыршәаны, Ауаажәларратә маҵзуреи Қырҭтәыла апарламенти  апарламент аӡы апарламенттә канал аԥҵара ахырхарҭала аусеицура иалагоит. Ари хықәкыс амоуп апарламенттә уснагӡатәқәа ртранслиациа. Европа еиуеиԥшым атәылақәа рпарламентқәеи руаажәларратә дырраҭарақәеи абри еиԥш аусеицура рыбжьоуп, уи иабзоураны ауааԥсыра азакәанԥҵаратә аиҿкаара аусзура иазку адыррақәа рымоуп. Иреиҳаӡоу азакәанԥҵаратә аиҿкаареи Ауаажәларратә дырраҭареи русеицура иабзоураны, ауааԥсыра ишиашоу адырраҭарала аҵак ҷыда змоу азҵаарақәа ирызку адыррақәа роуеит.