Урыстәыла аҳаирплан маҷ каҳаит
10:31, 15.11.2017

Урыстәыла, Хабаровсктәи аокруг аҿы апасаџьыртә ҳаирплан  L-410 каҳаит. Заанаҵтәи адыррақәа рыла, иҭахеит ааҩык. Иҭахеит аҳаирплан аекипаж ҩыџьа алахәылацәеи фҩык апасаџьырцәеи.

Деиқәхеит 3 шықәса зхыҵуа ахәыҷы. Уи ахәшәтәырҭахь дыргеит, аха иҧсҭазаара ашәарҭа иҭагылоуп.

Аусҧшааратә комитет авиакатастрофа 3 версиак аус аднаулоит – аметеорологиатә ҭагылазаашьа, аҧырҩы игха  ма атехникатә амзыз.

“Хабаровсктәи авиацәаҳәа” иртәу аҳаирплан Хабаровск аҟынтә Нелкан ахь ахы рхан.





АДУНЕИАҾЫ
86