Германтәыла атерракт аиҿкаараҿы гәҩарас ирымаз 19 шықәса зхыҵуа ахаҵа дааныркылеит

13:53, 31.10.2017

Германтәыла ақалақь Карлсруе аҿы имҩаҧысыз антиреррористтә операциа аҳәаақәа ирҭагӡаны, атерракт аиҿкаараҿы гәҩарас ирымаз 19 шықәса зхыҵуа ахаҵа дааныркылеит. Аинформациа аланарцәоит Deutsche Welle.

Иаанкылоу Шьамтәыла атәылауаҩы иоуп.

Карлсруе афедералтә прокуратура адыррақәа рыла, азакәанхьчаҩцәа ирымоу ашаҳаҭгақәа шьақәдырҕәҕәоит ари ахаҿы Германтәылаҿ змасштаб ҭбаау атерракт амҩаҧгара игәы шҭаз.

Иаанкылоу ахаҵа арадикалтә исламисттә террористтә гәыҧ ”Исламтәи аҳәынқарра” аидеологиа ныҟәигоит. Макьана идырым уи Германтәыла заҟаҩы адгылаҩцәа имоу. Иара убас идырым атерракт амҩаҧгара ахьҭахыз.

АДУНЕИАҾЫ