Владимир Путини Реџьеп Таип Ердоҕани аҵыхәтәантәи 8 мза рыҩныҵҟала аҩбатәи аиҧылара мҩаҧыргоит
Урыстәыла ахада Владимир Путини Ҭырқәтәыла ахада Реџьеп Таип Ердоҕани аҵыхәтәантәи 8 мза рыҩныҵҟала аҩбатәи аиҧылара мҩаҧыргоит. Аиҧылара Шәача имҩаҧысуеит.
Урыстәылатәи аих рдыррақәа рыла, аиҧылараан атәылақәа рлидерцәа Шьамтәылатәи аимак аҭыҧқәҵаразы астратегиеи атерроризм аҿагылараҿы амчқәа реидкылареи ирызку азҵаарақәа ирзааҭгылоит.
Ахадацәа арегионтәи жәларбжьаратәи азҵаарақәагьы ирзааҭгылоит.
Иларҵәаз адыррақәа рыла, Шәача имҩаҧысуа аилацәажәарақәа раан ирзааҭгылоит ахәаахәҭра аизырҳара аперспективеи, аенергетика асфераҿ аусеицуреи ирызку азҵаарақәа.