Անկախ պատգամավորներ ՝ Էկա Բեսելիայի և Զվիադ Կվաճանտիրաձեի նախաձեռնությամբ, Վրաստանի պետական սահմանի սահմանագծման և սահմանազատման կառավարական հանձնաժողովի նախագահ, Լաշա Դարսալիայի հետ կանցկացվի փակ հանդիպում:
Հանդիպմանը կներկայացվի տեղեկատվություն, Վրաստանի պետական սահմանի սահմանագծման և սահմանազատման հարցերով պետական հանձնաժողովի աշխատանքի մասին, մասնավորապես, Դավիթ Գարեջի վանական համալիրի, ինչպես նաև Չիչխիտուրիի և ՈՒդաբնո վանքերի խնդրահարույց հարցերի վերաբերյալ:
Անկախ պատգամավոր Էկա Բեսելիան հուսով է, որ փակ ձևաչափով հանդիպմանը Դավիթ Գարեջի վերաբերյալ կստանան հավելյալ լրատվություն:
«Մենք մեծ կարևորություն ենք տալիս այս հանդիպմանը, որտեղ հանձնաժողովի նախագահ պարոն Դարսալիան անձամբ կխոսի Դավիթ Գարեջի վանական համալիրի հետ կապված բոլոր հիմնախնդրային հարցերի վերաբերյալ և այն, որ հանդիպումը կլինի փակ ձևաչափով, մեզ հնարավորություն կտա ավելի շատ տեղեկություն ստանալ և ընդլայնել մեր երկխոսությունը: Այդ թվում, մենք ցանկանում ենք խոսել Չիչխիտուրիի և ՈՒդաբնո վանքերի մասին, քանի որ դուք գիտեք, որ այդ տեղ նույնպես գործում են սահմանափակումներ, ոչ միայն զբոսաշրջիկների, այլև հոգևորականների համար»,- հայտարարել է Էկա Բեսելիան: