Վրաստանի ուղղափառ եկեղեցին նշում է Գիորգոբան
Վրաստանի ուղղափառ եկեղեցին նշում է Գիորգոբան

Վրաստանի ուղղափառ եկեղեցին նոյեմբերի 23-ին նշում է Սուրբ Գիորգիին անիվի վրա կտտանքների ենթարկելու օրը: Առավոտից գործող բոլոր եկեղեցիներում ու վանքերում մատուցվում է տոնական պատարագ:

Սուրբ երրորդություն մայր տաճարում պատարագը անց է կացնելու պատրիարքական գահի փոխանորդ Շիոն:

Վրաց Ուղղափառ եկեղեցին Գիորգոբան նշում է տարին երկու անգամ, մայիսի 6-ին Սուրբ Գիորգիի նահատակության  և նոյեմբերի 23-ին նրա անիվի վրա կտտանքների ենթարկելու օրը:

Ըստ եկեղեցական փոխանցման, Սուրբ Գիորգին ծնվել է երրորդ դարի կեսին, Կապադովկիայում, հարուստ քրիստոնեական ընտանիքում: Հետագայում նա Հռոմեական կայսր Դիոկլետիանոսի օրոք դարձավ հրամանատար: Այն բանից հետո, ինչ Քրիստոնյաների նկատմամբ սկսվեցին հետապնդումներ, Սուրբ Գիորգին դեմ գնաց կայսրին: Դրանից հետո հեթանոս կայսրը պահանջեց նրանից մերժել Քրիստոսին: Սուրբ Գիորգիին գլխատեցին 303 թվականին:

Թողնել մեկնաբանություն