Վրաստանի դատախազությունը հետաքննություն է սկսել Սալոմե Զուրաբիշվիլու կողմից կալանավորների համաներման գործով
Վրաստանի դատախազությունը հետաքննություն է սկսել Սալոմե Զուրաբիշվիլու կողմից կալանավորների համաներման գործով

Վրաստանի գլխավոր դատախազությունը հետաքննություն է սկսել կալանավորների համաներման գործով:

Ինչպես ասվում է գլխավոր դատախազության հայտարարությունում, հետաքննությունն ընթանում է ծառայողական իրավասության հնարավոր չարաշահման փաստով:

«Վրաստանի գլխավոր դատախազությունը հետաքննություն է սկսել Ռամազ Դևաձեի, Ասլան Բեժանիձեի, Զուրաբ Նադիրաձեի և այլ անձանց համաներման գործընթացում ծառայողական իրավասության հնարավոր չարաշահման փաստով:

Հանրությանը պարբերաբար կփոխանցենք տեղեկություն հետաքննության ընթացքի և արդյունքների մասին»,- ասվում է դատախազության հայտարարությունում:

Վրաստանի նախագահը օգոստոսի 28-ին, Մարիամոբա տոնի կապակցությամբ համաներում է շնորհել 34 կալանավորի, այդ թվում՝ սպանության համար դատապարտված երեք և մեկ՝ հետախուզվող անձի:

Թողնել մեկնաբանություն