«Վրացական երազանքի» առաջնորդները շարունակում են հանդիպումները տարածաշրջաններում: Վարչապետ Իրակլի Ղարիբաշվիլին, կուսակցության նախագահ Իրակլի Կոբախիձեն, կուսակցության գլխավոր քարտուղար Կախի Կալաձեն, գործադիր քարտուղար Մամուկա Մդինարաձեն և տարածաշրջանային քարտուղար Դիմիտրի Սամխարաձեն, Զուգդիդիում հանդիպել են կուսակցության ակտիվիստների:

Հանդիպման առաջին մասի ավարտից հետո Իրակլի Կոբախիձեն հայտարարել է, որ հանդիպման հիմնական թեմաներն են ընթացիկ քաղաքական խնդիրները, ինչպես նաև տեղական ինքնակառավարման մարմինների ընտրությունները:

«Մենք շարունակում ենք հանդիպումները մարզերում: Այսօր մենք կուսակցության անդամների հետ հանդիպում ենք Սամեգրելո-Զեմո Սվանեթիի տարածաշրջանում: Մենք, իհարկե, խոսում ենք ներկա քաղաքական գործընթացների մասին և հատուկ ուշադրություն ենք դարձնում նաև ընտրությունների նախապատրաստական ​​աշխատանքներին: Տեղական ինքնակառավարման մարմինների ընտրությունները տեղի կունենան մի քանի ամիս անց, և մեզ համար կարևոր է, որ մեր թիմը, այդ թվում Սամեգրելո-Զեմո Սվանեթիի տարածաշրջանում, ամբողջությամբ կենտրոնացված լինի, որպեսզի մենք կարողանանք պատշաճ արդյունք ունենալ այս ընտրություններում», – հայտարարել է Կոբախիձեն: