Վառլամ Գոլեթիանիի հայտարարությամբ, այսօր կանցկացվի Եվրամիության էներգետիկ միության վեճերի լուծման և բանակցությունների կենտրոնի ներգրավմամբ հերթական հանդիպումը
Վառլամ Գոլեթիանիի հայտարարությամբ, այսօր կանցկացվի Եվրամիության էներգետիկ միության վեճերի լուծման և բանակցությունների կենտրոնի ներգրավմամբ հերթական հանդիպումը

Ըստ «Նամախվանի ՀԷԿ»-ի դեմ ցույցերի կազմակերպիչներից մեկի՝ Վառլամ Գոլեթիանիի, Եվրամիության էներգետիկ միության վեճերի լուծման և բանակցությունների կենտրոնի ներգրավմամբ հաջորդ հանդիպումը կանցկացվի այսօր՝ առցանց ռեժիմում: Նրա խոսքով, հանդիպումը նախատեսված է ժամը 17:00-ին:

Բացի այդ, ինչպես ասաց Գոլեթիանին, չնայած երկաթյա ամբարտակների ապամոնտաժմանը, մինչ այժմ ցուցարարներին թույլ չեն տալիս տեղաշարժվել կիրճում:

«Նախորդ հանդիպմանը ձեռք բերված համաձայնությունը ենթադրում էր բարիկադների ապամոնտաժում, բողոքի ցույցի հիմնական վայր Նամոխվանի գյուղ վերադարձ, ինչպես նաև բերման ենթարկված տղաների վերաբերյալ հայտարարություն: Մենք տեսանք, որ միայն բարիկադների մասով կատարվեցին պայմանները: Նրանք վերցրեցին բարիկադները, բայց մենք շարժվելու իրավունք չունենք: Երեկ բարիկադները ապամոնտաժելուց մեկ ժամ անց ընկերությունը փորձեց մտնել կիրճ: Բնականաբար, մենք դա թույլ չտվեցինք, քանի որ մեզ նույնպես թույլ չի տրվում մտնել կիրճ: Մեզ համար ոչինչ չի փոխվել, բացի նրանից, որ մեր դիմաց այլևս երկաթյա վարագույր չկա: Ուստի այսօր զում-հանդիպմանը մենք կխոսենք մյուս պայմանների կատարման մասին և քայլեր կձեռնարկենք ապագայում միջնորդական գործընթաց սկսելու համար», – ասաց Գոլեթիանին:

Վրաստանի ներքին գործերի նախարարությունը անվտանգության նկատառումներից ելնելով հունիսի 17-ին սկսել էր ապամոնտաժել Ծղալտուբոյի մունիցիպալիտետի Գումաթի գյուղի մոտակայքում գտնվող երկաթե ամբարտակները:

Բացի այդ, Վրաստանի կառավարության կողմից հրավիրված ԵՄ էներգետիկ միության վեճերի լուծման կենտրոնի միջնորդությամբ «Նամախվանի ՀԷԿ» նախագծի վերաբերյալ առաջին հանդիպումը տեղի է ունեցել հունիսի 12-ին:

Թողնել մեկնաբանություն