Վարչապետը և կառավարության անդամները ցավակցություն են հայտնել Բաթումիում շենքի փլուզման հետևանքով զոհվածների հարազատներին
Բաթումիում ընթանում է շենքի փլուզման հետևանքով զոհվածների քաղաքացիական հոգեհանգիստը:
Մահացածների ընտանիքի անդամներին և հարազատներին ցավակցություն են հայտնել, վարչապետ Իրակլի Ղարիբաշվիլին և կառավարության անդամները:
Վրաստանում սգո օր է: Պետական դրոշները իջեցվել են երկրի բոլոր վարչական շենքերից:
Բաթումիում, մայիսի 26-ի փողոցի բնակելի շենքի մի մասը փլուզվել է հոկտեմբերի 8-ին, ժամը 12:00-ի սահմաններում: Զոհվել է իննը մարդ, վիրավորվել է մեկը: Ներքին գործերի նախարարությունը շենքի փլուզման փաստով ընթացող հետաքննության շրջանակներում ձերբակալել է երեք մարդու: Դատախազությունը նրանց մեղադրանք է առաջադրել շինարարական աշխատանքների ժամանակ անվտանգության կանոնները խախտելու համար, ինչը հանգեցրել է մարդկանց մահվան և ծանր հետևանքների: Դատարանը ձերբակալվածների նկատմամբ որպես խափանման միջոց է կիրառել բանտարկությունը: