Սամեբայի աթոռանիստ տաճարում ընթանում է երաժիշտ, բանահյուս, «Ռուսթավի» համույթի հիմնագիր Անզոր Էրքոմաիշվիլու քաղաքացիական հոգեհանգիստը:
Մարտի 31-ին 80 տարեկան հասակում կյանքից հեռացավ Անզոր Էրքոմաիշվիլին: Նա կորոնավիրուսի ախտորոշմամբ բուժում էր ստանում Առաջին համալսարանական կլինիկայում:
Այսօր Անզոր Էրքոմաիշվիլիին հուղարկավորելու են Մթածմինդայի գրողների ու հասարակական գործիչների պանթեոնում:
Անզոր Էրքոմաիշվիլին ավարտել է Թբիլիսիի պետական կոնսերվատորիայի երգչախմբի դիրիժորական ֆակուլտետը: Դեռ ուսանողական տարիներին նա սկսել է գուրիական շարականներն ու ժողովրդական երգերը անցկացնել նոտաների: Նա կոնսերվատորիայում հիմնել է «Գորդելա» վոկալ անսամբլը՝ այս երգերը ուսումնասիրելու համար:
1968 թվականից ղեկավարում էր «Ռուսթավի» վոկալ անսամբլը: Թողարկել է իր կողմից ձայնագրված և վերծանված վրացական (գուրական) ժողովրդական յոթ երգ: Թողարկելու համար պատրաստեց «Գուրիական ժողովրդական երգեր» ժողովածուն:
Նա ստացել է գերազանցության նախագահական շքանշան՝ վրացական երգչախմբային երաժշտության, բանահյուսության զարգացման և հանրահռչակման գործում ունեցած նշանակալի ավանդի, բեղմնավոր մանկավարժական, հասարակական աշխատանքի և երկրին մատուցած գերազանց ծառայության համար: Նա ստացել է նաեւ Իվանե Ջավախիշվիլիի անվան մրցանակ, Շոթա Ռուսթավելիի պետական մրցանակ, Իլիա Ճավճավաձեի անվան մրցանակ, Էքվթիմե Տաղաիշվիլիի անվան մրցանակ, Յակոբ Գոգեբաշվիլիի մրցանակ, Ալբերտ Շվայցերի մրցանակ:
