Վրաստանի նախագահ Սալոմե Զուրաբիշվիլին սկսում է իր հանդիպումները Իմերեթիի տարածաշրջանում: Ինչպես փոխանցում է առաջին ալիքի լրագրողը, Սալոմե Զուրաբիշվիլին գտնվում է Ծղալտուբոյում:

Հյուրընկալության նպատակը Վրաստանի շրջանների ներուժի հետ ծանոթանալն է և տարածաշրջանային զարգացման աջակցությունը: Նախագահը դիտել է Գուդիաշվիլիի պանոն, ինչպես նաև օրվա ընթացքում այցելելու է մի քանի առողջարան և դիտելու է Սածուրբլիեյի քարանձավը:

Նախագահը հետաքրքրվել է նաև փոքր բիզնեսի զարգացմամբ և դիտել է Օտիա Իոսելիանիի թոռան ֆերման, որը շարունակում է մեղրի և գինու արտադրման ավանդույթները:

Սալոմե Զուրաբիշվիլիին հյուրընկալում են Ծղալտուբոյի մեծամասնական պատգամավոր Ցոտնե Զուրաբիանին և Իմերեթիի նահանգապետ Շավլեգո Տաբատաձեն:

Նախագահը այցելել է նաև «Հերբիա» ընկերություն, որը արտադրում է էկոլոգիապես մաքուր բանջարեղեն և կանաչեղեն:

Սալոմե Զուրաբիշվիլին այցելելու է նաև մանկական կենտրոն և հանդիպելու է այնտեղ դաստիարակվող սաների հետ:

Նախագահի այցը շարունակվելու է վաղը Քութաիսիից: