Սալոմե Զուրաբիշվիլի. Չնայած երեկվա մտահոգիչ տեսարաններին, բռնության ֆոնին ամերիկյան ինստիտուտները կարողացան ապացուցել իրենց ուժն ու դիմացկունությունը
Չնայած երեկվա մտահոգիչ տեսարաններին, բռնության ֆոնին ամերիկյան ինստիտուտները կարողացան ապացուցել իրենց ուժն ու դիմացկունությունը, – «Twitter»-ում գրել է Վրաստանի նախագահ Սալոմե Զուրաբիշվիլին:
Նրա խոսքով, Վրաստանին անհրաժեշտ է ուժեղ Ամերիկա՝ որպես ժողովրդավարական աշխարհի առաջնորդ:
«ԱՄՆ-ն արդեն 30 տարի աջակցում է Վրաստանի ճանապարհին դեպի ազատություն և ժողովրդավարություն: Մեզ համար ԱՄՆ-ն օրինակելի օրինակ է:
Չնայած երեկվա մտահոգիչ տեսարաններին, բռնությունների ֆոնին ամերիկյան ինստիտուտները կարողացել են ապացուցել իրենց ուժն ու դիմացկունությունը:
Վրաստանին անհրաժեշտ է ուժեղ Ամերիկա՝ որպես ժողովրդավարական աշխարհի առաջնորդ», – գրել է Զուրաբիշվիլին:
Գործող նախագահ Դոնալդ Թրամփի կողմնակիցները հունվարի 7-ին ճեղքեցին ոստիկանության շղթան Վաշինգտոնում և ներխուժեցին Կապիտոլիումի շենք, որտեղ անցկացվում էր Կոնգրեսի համատեղ նիստը: Նիստում անհրաժեշտ էր հաստատել ընտրողների խորհրդի քվեարկության արդյունքները: Նիստը հետաձգվեց անկարգությունների պատճառով: Վաշինգտոնում պարետային ժամ է հայտարարվել:
Վաշինգտոնի ոստիկանության տվյալներով, ԱՄՆ Կոնգրեսում ներխուժման ու անկարգությունների արդյունքում չորս մարդ է զոհվել: Նրանցից մեկը սպանվել է Կապիտոլիումի շենքում տեղի ունեցած հրաձգության արդյունքում: Բացի այդ, առնվազն 14 ոստիկաններ վիրավորվել են կոնգրես ներխուժման արդյունքում: Ավելի քան 52 մարդ բերման է ենթարկվել իրավապահների կողմից: Նրանցից 47-ը ձերբակալվել են պարետային ժամը խախտելու համար: Ձերբակալվածներից մի քանիսը մեղադրվում են ապօրինի կերպով զենք կրելու մեջ: