Նիկոլ Փաշինյանը Գիորգի Կվիրիկաշվիլուն և վրաց ժողովրդին շնորհավորել է անկախության 100-ամյակի կապակցությամբ
13:08, 26.05.2018
Հայաստանի վարչապետ Նիկոլ Փաշինյանը Վրաստանի վարչապետ Գիորգի Կվիրիկաշվիլուն և վրաց ժողովրդին շնորհավորել է անկախության 100-ամյակի կապակցությամբ:
Հայկական ԶԼՄ-ների տեղեկությամբ, Նիկոլ Փաշինյանը շնորհավորական ուղերձ է հղել վարչապետին: Նա Վրաստանի քաղաքացիներին մաղթել է խաղաղություն և բարօրություն:
«Վստահ եմ, որ մեր ժողովուրդների միջև առկա բարեկամական հարաբերությունները, ինչպես նաև Հայաստանի Հանրապետության և Վրաստանի միջև ներկայիս երկկողմ միջպետական հարաբերությունների բարձր մակարդակն այսուհետև ևս կծառայեն ի շահ մեր պետությունների», – ասված է վարչապետ Նիկոլ Փաշինյանի շնորհավորական ուղերձում:
