ՆԳՆ-ը բացահայտել է կորոնավիրուսի դեմ պայքարի նպատակով գործող կանոնակարգերի խախտման 1 467 փաստ
ՆԳՆ-ը բացահայտել է կորոնավիրուսի դեմ պայքարի նպատակով գործող կանոնակարգերի խախտման 1 467 փաստ

Իրավապահների կողմից իրականացված մոնիտորինգի արդյունքում, վերջին 24 ժամվա ընթացքում, ամբողջ երկրում բացահայտվել է սահմանափակումների շրջանակներում գործող կանոնակարգերի խախտման 1 467 փաստ,- այս մասին նշված է ՆԳ նախարարության կողմից տարածած հաղորդագրության մեջ:

Նրանց հաղորդմամբ, ոստիկանությունը տուգանել է 64 ֆիզիկական անձի՝ վարչական իրավախախտումների օրենսգրքի 42-րդ հոդվածի 10-րդ մասի համաձայն: Տուգանվածների թվում կան քաղաքացիներ, ովքեր խախտել են տեղաշարժի սահմանափակման կարգը 23:00-ից մինչև առավոտյան  05:00-ն:

Բացի այդ, վերջին 24 ժամվա ընթացքում 1 118 ֆիզիկական անձ տուգանվել է վարչական իրավախախտումների օրենսգրքի 42-րդ հոդվածի 11-րդ մասի համաձայն, շնչադիմակի կարգը խախտելու համար, իսկ 284-ը՝ շնչադիմակ կրելու կարգը երկրորդ անգամ խախտելու համար:

«Ներքին գործերի նախարարությունը շարունակում է կոչ անել քաղաքացիներին պահպանել սահմանված սահմանափակումները, հակառակ դեպքում կկիրառվեն օրենքով նախատեսված համապատասխան միջոցներ:

Շնչադիմակ կրելու կանոնների խախտումը հանգեցնում է վարչական պատասխանատվության և 20 լարի տուգանքի՝ վարչական իրավախախտումների օրենսգրքի 42-րդ հոդվածի 11-րդ մասի համաձայն, իսկ խախտումը կրկնելու դեպքում՝ 40 լարի տուգանքի:

Մեկուսացման և կարանտինի կանոնների խախտումը հանգեցնում է վարչական պատասխանատվության և ֆիզիկական անձի համար 2000 լարի տուգանքի, իսկ իրավաբանական անձի համար 10 000 լարի տուգանքի՝ վարչական իրավախախտումների օրենսգրքի 42-րդ հոդվածի 10-րդ մասի համաձայն: Կրկնվող տուգանքը ենթադրում է քրեական պատասխանատվություն»,- նշված է ՆԳ նախարարության տեղեկատվության մեջ:

Գերատեսչությունում պարզաբանում են, որ Վրաստանի տարածքում գտնվող բոլոր անձինք պարտավոր են ենթարկվել հասարակական առողջության ոլորտում գործող Վրաստանի օրենսդրության պահանջներին: Ներքին գործերի նախարարությունը կոչ է անում քաղաքացիներին ցուցաբերել բարձր հանրային պատասխանատվություն և ենթարկվել գործող կանոնակարգերին

«Ներքին գործերի նախարարության համապատասխան ստորաբաժանումների աշխատակիցները, երկրում կորոնավիրուսի տարածումը կանխելու նպատակով, օպերատիվ կերպով արձագանքում են բոլոր փաստերին»,- նշում են ՆԳ նախարարությունում:

Թողնել մեկնաբանություն