Վերջին 24 ժամվա ընթացքում Կասպիի մունիցիպալիտետում գրանցվել է կորոնավիրուսի հինգ նոր դեպք: Հանրային առողջապահության կենտրոնի մասնագետները շարունակում են համաճարակաբանական հսկողությունը գյուղերում:

«Կովիդ 19»-ով վարակվելու դեպքերի ավելացման պատճառով բոլոր երեք գյուղերի հանրակրթական դպրոցները շարունակում են մնալ հեռավար ուսուցման ռեժիմում, Սամթավիսի մանկապարտեզում ուսումնական գործընթացը դադարեցված է:

«Իրավիճակը մնում է կայուն: Վերջին 24 ժամվա ընթացքում մենք ունեցանք հինգ նոր դեպք: Նախօրեին ուղարկված նմուշներից կար երեք «ՊՇՌ» հաստատում, իսկ երեկ՝ երկու հակագենի հաստատում: Հաստատված այս հինգ դեպքերից և ոչ մեկը չի եղել Քվեմո Ճալա, Իգոեթիի կլաստերից: 143 մարդ մնում է ինքնամեկուսացման ռեժիմում: Համաճարակաբանական հսկողությունը շարունակվում է: Պլանային թեստավորումն անցկացվել է Սամթավիսի և Քվեմո Ճալա դպրոցներում, և այսօր մենք սպասում ենք պատասխանների: Իգոեթիի դպրոցի աշխատակիցներն այսօր կթեստավորվեն: Առավոտից 30 մարդ հետազոտվել է, և մենք առայժմ հաստատված դեպքեր չունենք», – ասաց Կասպիի հանրային առողջապահության կենտրոնի ղեկավար Նանա Նոնիաշվիլին: