Իրակլի Կոբախիձեին կոչ եմ անում, սկսել նախագահի իմպիչմենտի գործընթացը
21:28, 04.05.2018
Վրաստանի նախագահի քաղաքական քարտուղար Փիքրիա Չիխրաձեն խորհրդարանի նախագահ Իրակլի Կոբախիձեին կոչ է անում, սկսել նախագահի իմպիչմենտի գործընթացը: Այս մասին Չիխրաձեն հայտարարել է համաներման հետ կապված նախագահի նկատմամբ հնարավոր կոռուպցիայի մասին հայտարարությունները և այդ հարցի շուրջ գնահատականները մեկնաբանելիս:
«Երկու օրվա ընթացքում, մենք լսեցինք մի կողմից ծանր մեղադրանքներ, մյուս կողմից՝ այս մեղադրանքներից փախչելու փորձ:
Երբ երկրի երկրորդ պաշտոնյան ծանր մեղադրանք է ներկայացնում երկրի առաջին անձին – Վրաստանի նախագահին, պարտադիր է, ուղղակի դա պահանջում է ժողովուրդը և վրաց հանրությունը, որ այդ առիթով սկսվի իմպիչմենտի համապատասխան գործընթացը»,- նշել է Փիքրիա Չիխրաձեն:
