Բաթումիում, Զուգդիդիում, Գորիում, Փոթիում և Թելավիում փետրվարի ընթացքում շաբաթ-կիրակի օրերին չի աշխատելու քաղաքային տրանսպորտը, իսկ սննդի օբյեկտներն ու խանութները կաշխատեն հեռակա ռեժիմով
Բաթումիում, Զուգդիդիում, Գորիում, Փոթիում և Թելավիում փետրվարի ընթացքում շաբաթ-կիրակի օրերին չի աշխատելու քաղաքային տրանսպորտը, իսկ սննդի օբյեկտներն ու խանութները կաշխատեն հեռակա ռեժիմով

Բաթումիում, Զուգդիդիում, Գորիում, Փոթիում և Թելավիում փետրվարի ընթացքում շաբաթ-կիրակի օրերին չի աշխատելու քաղաքային տրանսպորտը,- այս մասին փոխվարչապետ, Մայա Ցքիտիշվիլին հայտարարել է կառավարության գրասենյակում ճեպազրույցի ժամանակ:

Նրա խոսքով, հանգստյան օրերին այս քաղաքներում սննդի կետերն ու խանութները կաշխատեն հեռակա կարգով:

«Բարձրացված շարժունակությունը փոխհատուցելու համար, փետրվարին, հանգստյան օրերին Բաթումիում, Զուգդիդիում, Գորիում, Փոթիում և Թելավիում քաղաքային տրանսպորտը հասանելի չի լինի, իսկ ռեստորանները, սննդի կետերը և խանութները գործելու են հեռակա կարգով: Սա հանգստյան օրերի սահմանափակում է», – հայտարարել է Ցքիտիշվիլին:

Նրա խոսքով, ուժի մեջ են մնում լեռնադահուկային հանգստավայրերում սահմանված սահմանափակումները:

«Մնացած սահմանափակումները մնում են ուժի մեջ, ներառյալ լեռնադահուկային հանգստավայրերի նկատմամբ կիրառվող սահմանափակումները, և այս փուլում կսահմանափակվի նաև միջքաղաքային երթևեկությունը: Բոլորը պետք է կրեն շնչադիմակ, իսկ խանութներից պահանջվում է պաշտպանել սպառողների շարքերը և աշխատել արդեն ներդրված մեթոդով», – ասաց նա:

Թողնել մեկնաբանություն