Մեծ Բրիտանիան շարունակում է աջակցել ՈՒկրաինային և Վլադիմիր Զելենսկիից սպասում է համագործակցության շարունակություն: Այս մասին թվիթեր սոցիալական ցանցում գրել է Մեծ Բրիտանիայի արտաքին գործերի նախարար Ջերեմի Հանտը:

Հիշեցնենք, ՈՒկրաինայի նախագահական ընտրություններում հաղթել է Վլադիմիր Զելենսկին: ՈՒկրաինայում քվեաթերթիկների 96 տոկոսը հաշվելուց հետո, Վլադիմիր Զելենսկին ունի ձայների 73,14 տոկոսը: ՈՒկրաինայի կենտրոնական ընտրական հանձնաժողովի տվյալներով, գործող նախագահ Պետրո Պորոշենկոն ստացել է 24,53 տոկոս:

Վլադիմիր Զելենսկին հայտնի է «ժողովրդի ծառան» հեռուստասերիալում նկարահանումներով: Սերիալում նա խաղում է Կիևում բնակվող պատմության ուսուցչի դերը, որը որոշում է մասնակցել նախագահական ընտրություններին և հաղթում է դրանում:

Congratulations to Volodymyr Zelenskiy & @zeteam_official on your Presidential election success. You will now truly be the Servant of the People. We look forward to working together as the UK continues to support Ukraine, her chosen Euro-Atlantic path, reform process & security

— Jeremy Hunt (@Jeremy_Hunt) April 21, 2019