ԱՄՆ-ի պաշտպանության նախարարության հետախուզական գործակալությունը, պատրաստել է գլոբալ վտանգների մասին 2021 թվականի զեկույց: Վրաստանը նշված է բաժիններից մեկում, որը վերաբերում է «տարածաշրջանային խնդիրներին և ցածր ինտենսիվության հակամարտություններին»:

Զեկույցում ասվում է, որ Կրեմլի պահանջը մնալ իր անմիջական ցամաքային հարևանության տարածքում, որպես «անվտանգության առանցքային երաշխավորը» շարունակում է աճել: Այնուամենայնիվ, ՆԱՏՕ-ի և այլ օժանդակ երկրների հետ անվտանգության ոլորտում Վրաստանի, Ուկրաինայի և Ադրբեջանի համագործակցությունը հստակ ցույց է տալիս, որ Ռուսաստանի «տիրապետության փորձերը» բախվում են բարդ միջավայրի հետ:

Փաստաթղթում ընդգծվում է, որ Ռուսաստանը 2008 թվականից խարխլել է Վրաստանի ինքնիշխանությունն ու տարածքային ամբողջականությունը, գրավելով երկրի 20%-ը և միջազգային ասպարեզում Աբխազիայի և Ցխինվալիի տարածաշրջանները ճանաչելով որպես «անկախ պետություններ»: Այստեղ, Կրեմլը պահպանում է ռազմակայանները Վրաստանի բռնազավթված տարածաշրջաններում և վարչական սահմանների երկայնքով ռուս զինվորականներին օգտագործում է որպես պարեկների: Բացի այդ, զեկույցում նշվում է, որ ռուսական կողմը մերժում է 2008 թվականի հրադադարի համաձայնագրով ստանձնած իր պարտավորությունը և զորքերը չի հետ կանչում նախակոնֆլիկտային դիրքեր: