Ադրբեջանի պաշտպանության նախարարության հայտարարությամբ, նախորդ գիշեր հակամարտության գոտում, առաջնագծում մարտական գործողությունները շարունակվել են տարբեր ինտենսիվությամբ Ագդերի, Ֆիզուլի-Ջաբրայիլի և Գուբադլիի ուղղություններով:

Ադրբեջանի պաշտպանության գերատեսչության հայտարարությամբ, զբաղեցվել են հակառակորդի դիրքերը: Նախարարությունը տեղեկություն է տարածում Հայաստանի զինված ուժերի և տեխնիկայի կորուստների մասին: Բացի այդ, պաշտոնական Բաքուն հակառակորդ կողմին մեղադրում է առավոտից Տերտերի ուղղությամբ հրետանային կրակ բացելու մեջ:

Իր հերթին, Հայաստանի պաշտպանության նախարարության մամլո քարտուղար Շուշան Ստեփանյանը գրում է, որ Լեռնային Ղարաբաղի պաշտպանության ուժերն առավոտյան խոցել են Ադրբեջանի ռազմական օդուժի ինքնաթիռ: Հայաստանի պաշտպանության գերատեսչությունում հակամարտության գոտում տիրող իրավիճակը գնահատում են կայուն լարված:

Բացի այդ, հայկական կողմը չի հաստատում Ադրբեջանի կողմից Զանգիլան քաղաքը գրավելու մասին տարածած տեղեկությունը: