2020 թվականին միջազգային մասշտաբով մարդասիրական օգնության անհրաժեշտություն կունենա ավելի քան 168 միլիոն մարդ: Այս մասին տեղեկացնում է ՄԱԿ-ը:
Միջազգային իրավապաշտպան կազմակերպության զեկույցի համաձայն, դրա պատճառը հակամարտությունները և կլիմայական փոփոխություններն են: ՄԱԿ-ի տեղեկությամբ, կարիքների թվում է սնունդը, ինչպես նաև մարդկանց բժշկական օգնությամբ և ապաստանով ապահովելը:
2019 թվականի նոյեմբերի ցուցանիշով, միջազգային մասշտաբով մարդասիրական օգնության կարիք է ունեցել 166 միլիոն մարդ: Սա նախորդ տարվա ցուցանիշից ավել է 26 տոկոսով:
Ըստ զեկույցի, ահազանգող ցուցանիշի ավելացումը պայմանավորված է հակամարտության գոտիների ավելացմամբ:
Նշված ցուցանիշից ելնելով, ՄԱԿ-ը գործընկերների օգնությամբ կփորձի հավաքել 28 միլիարդ դոլլար: