«Ачымазаҩцәа рхыҧхьаӡара ацлеит, уи ахәбатәи ацәқәырҧа алагамҭоуп.  Рыцҳарас иҟалаз, абри ацәқәырҧа адырга ҳаракы ала иалагеит. Убри аҟынтә, ауааҧсыра зегьы арегулиациақәа ирықәныҟәалароуп  — асабрадақәа рныҟәгареи, адистанциа ахьчареи, ауаа ахьырацәоу аҭыҧқәа рышҟа амнеиреи, алаҵа аҟаҵареи», — иҳәеит Қырҭтәыла ачымазарақәа рхылаҧшра амилаҭтә центр анапхгаҩы Амиран Гамҟрелиӡе.

Иара иажәақәа рыла, авакцинациа мацароуп аепидемиа аанкылара зылшо.

«Аҵыхәтәантәи амчыбжь азы 3 регионк рҿы –  Кахеҭии, Имереҭии,   Гыртәыла-Аҩадатәи Шәантәылеи аҭагылазаашьа еицәахеит, уаҟа алаҵақәа ҟазҵаз маҷуп. Аҷареи Қарҭи аҭагылазаашьа хәыҷык еиҕьуп, араҟа иаҳа ирацәаны ауааҧсыра авакцинациа иахысхьеит. Убри аҟынтә, даҽазнык ауааҧсыра срыҳәоит алаҵа ҟарҵарц. Миллионҩык алаҵақәа ҟарҵахьеит. Ашықәс Ҿыц ҭынч ҳаҧыларц азыҳәан даҽа миллионҩык алаҵақәа ҟарҵароуп. Ахәбатәи ацәқәырҧа ааигәахоит. Иахәҭоу ауснагӡатәқәа мҩаҧаҳамгар, абҵарамза  даараӡа ихьанҭахоит. Сара абжьагарақәа рықәныҟәареи авакцинациеи ауп сызлацәажәо», — иҳәеит Гамҟрелиӡе.