Кæдæ æмæ  Ирак  америкаг æфсæддæтты  раддæдуар кæна,  уæд Вашингтон  Багдадæн   тынг карз   санкцитæ сфидар кæндзæн  –  уый фæдыл   АИШ-ы  президент, Дональд Трамп   райхъусын кодта.

Дональд Трампы  дзырдæй  зæгъгæ,   АИШ-æн Иракы ис  тынг зынаргъ   авиабазæтæ,  кæцыты  арæзтад   миллиардгай   доллар сбаддис æмæ америкаг   æфсæддæттæ  Иракæй нæ рацæудзысты, цалынмæ Багдады  базæты  арæзтады   аргъ  нæ  бафиддзæн  уæдмæ.

«Мах ахæм санкцитæ  сфидар кæндзыстæм,  ныры онг куы никуы  уыд ахæм. Ираны  ныхмæ  цы  санкцитæ  архайынц  уыдонимæ  абаргæйæ   уæм  тынг рог  фæкæсдзысты.  Кæд исты хуызы  фыдзæрдæ  ахаст фæбæрæг уыдзæн  æмæ сæ  митæ  мах æнæмбæлгæйыл банымайдзыстæм,  уæд Иракæн сфидар кæндзыстæм  санкцитæ, тынг  карз  санкцитæ»-  райхъусын кодта АИШ-ы  президент.

А.х.  Исламы Паддзахадимæ  тохы  фæлгæтты, Иракы   5000  америкаг   æфсæддон уæвы.

5  январы,  Иракы   парламент, сфидар  кодта резолюци,  кæцы   бæстæйæ   фæсарæйнаг   æфсæддæтты ракæнын   домы.