Украинайы президент  Владимир Зеленскийы  фидиуæнæй, зæгъгæ  Гуырдзыстоны президент Саломэ Зурабишвилийы Украинамæ визит дыууæ бæстæйы æхсæн стратегион  партнерад фæфидардæр кæнынæн  иттæг нысаниуæгджын у.

Афтæма  йæ ныхæстæм гæсгæ,  зæгъгæ Киев æмæ Тбилисы æхсæн политикон диалогæн ног  импульс фæзынд.

«Арфæгæнæг дæн Саломэ  Зурабишвилийæн, нæ гуырдзиаг хæлæрттæн Украинайы.  Ай у фыццаг официалон визит, кæцы  иттæг нысаниуæгджын у  бæстæты æхсæн стратегион  партнерад стынг кæнынæн.  Нæ  сæйраг горæтты, Киев æмæ Тбилисы æхсæн  политикон  диалогæн  та ног импульс  фæзынд. Нæ иумæйаг рард у  Украина æмæ Гуырдзыстоны стратегион  партнерады формат бафсадæм реалон  мидисæй  æмæ конкретон  кæрæдзийæн æххуысы  æмæ не хсæн  бæрзонд æмвæзады æууæнкы бындурыл», – райхъусын кодта Зеленски.

Украинайы президенты дзырдæй,   зæгъгæ  Украина æмæ Гуырдзыстоны иу кæнынц иумæйаг нысæнттæ  Евроцæдис æмæ НАТО-ы  æххæстаргъджын уæнгтæй  суæвыны фæдыл.

«Афтæдæр æхсызгонд банысан кæнæм  нæ позициты æмхуызондзинад Хурыскæсæн Патрнерады дарддæр райтынгы фæдыл.  Украинайæн  æмæ  нæ партнертæн иуæй-иу нысаниуæгджын  рард у Сау Денджызы  регионы  æдасдзинады æмгуыст стынг кæнын.   Сау Денджыз хъуамæ уа  æдас акватори  сæрибар базарады æмæ  денджызы цыдæн.  Архайæм, стынг кæнæм ахастытæ партнер   паддзахадты флотты æхсæн Сау Денджызы. Активонæй  кусæм  ацы инициативæйы фæдыл  Гуырдзыстонимæ æмæ æндæр сыхæгтимæ, ныфс мæ ис,  цæмæй  тагъд фендзыстæм  конкретон прогресс», –   райхъусын кодта Владимир Зеленски  Гуырдзыстоны президент  Саломэ Зурабишвилиимæ иумæйаг пресс-конференцийы рæстæджы.