Владимир Путин – Республикæты Советон Цæдисы скондæй рацыды бар уыд сындæг архайæг халæн гарзæг, Уæрæсе, ахæм рæдыдтытæй йæхи хъуамæ аиуварс кæна
Владимир Путин – Республикæты Советон Цæдисы скондæй рацыды бар уыд сындæг архайæг халæн гарзæг, Уæрæсе, ахæм рæдыдтытæй йæхи хъуамæ аиуварс кæна

Советон Цæдисæй   республикæты рацыды бар  уыдис  сындæг  архайæг  халæн гарзæг,  Уæрæсе йæхи хъуамæ  аиуварс  кæна ахæм  рæдыдтытæй –  уый фæдыл Уæрæсейы президент, Владимир Путин   райхъусын кодта  телеканал  «Россия-1»-ы  эфиры, программæ «Мæскуы.Кремль.Путин»-ы.  Программæйы   кремлы  лидеры бафарстой, зæгъгæ йæм уый фадат фæзынд, уæд   ивгъуыды кæцы  рæдыдтытæй  аиуварс кæнит  бæстæ.

Уæрæсейы президент куыд   банысан кодта уымæ гæсгæ,  Советон  конституцийы  æвæрд уыдис  Ленины  тезис Советон  Цæдисæй   республикæты рацыды  бары фæдыл.

«Уыдæттæ,  нацийы  хæдуагæвæрды барæй лæдæрсгæ  уыдысты  æмæ  стæй  паддзахадон арæзты  афтæ  фæивдтой  сæ хуыз цæмæй,  иугонд паддзахады – Советон Цæдисы арæзты рæстæджы (ныхас цыдис  историон   Уæрæсе йæ   рагон  арæнты сæндидзын кæныны фæдыл)  ногарызт æмцæдисон  республикæтæм  лæвæрд цыдис фæстæмæ  фæхицæны  бар. Хæдæгай, Сталинмæ æндæр цæстангас уыдис. Уый дзырдта   националон  иугæндты  атвономизацийы  æнæмæнгхъæуæгдзинадыл, Уæрæсейы Советон Федерацион Республикæмæ, сæ  автономийы бартæй  бахизыныл  æмæ Советон Цæдисæй фæхицæны фадæтты кой дæр нæ уыд. Фæстагмæ сæххæст ис  Ленины  идея æмæ Советон  Цæдисæй  фæхицæны бар  сфиксир ис 1922  азы  æмцæдисонон бадзырды.   Стæй ацы идеятæ  ахызтысты  советон периоды  конституцийæ,  Уæрæсейы  конституцимæ, фæлæ  рагхыгъд нæуыд  Советон  Цæдисæй  фæхицæны процедурæ.  Афтæмæй  цы рауад –  Советон Цæдисы  сæвзæрды рæстæджы, 1922 азы бадзырды   фыст уыдис   фæхицæны  бар, фæлæ  уый тыххæй  цæмæй   нæ уыд  фыст фæхицæны процедурæ,  фæзынд фарст –  кæд æмæ иу кæнæ æндæр республикæ   бахызтис Советон Цæдисы скондмæ, фæлæ йæм лæвæрд æрцыд  уырыссаг зæхх,  традицион историон  уырыссаг территорийы  стыр  бæрц, стæй та  виппайды  сфæнд кодта  ацы  цæдисæй рацыд, уæд  ма афтæ уæддæр рацыдаит, йемæ цы  æрбаласта  æмæ  уырыссаг адæмæй  лæвæрттæ мауал  атона кодтаит  »-  загъта Владимир Путин.

«Цæдисы  скондæй  сæрибарæй фæхицæны тыххæй куы зæгъæм, 1977  азы  конституцийы  æмæ  уый размæ конституциты  фыст уыдис  коммунистон  партийы эксклюзивон, монополистон бар хицаудзинадыл.  Коммунистон парти уыд   паддзахадон  системæйы  сæмæн…  Коммунистон парти йæ амонд, йæ  къордон интерестæ сбаста æппæт  бæстæйы  интерестимæ.  Уыцы  рæстæджы  йæхæдæг,  æддæйæ  цыфæнды рæхуыстытæй  цух  райдыдта  мидæгæй  хæлын, уыйимæ иумæ  та  райдыдта  хæлын  бæстæ дæр.  Уый  у  бынтон æнæруадзгæ.  Растдæр уый  у  сындæг архайæг  халæн гарзæг, кæцы фыццаг вæрд æрцыд  1922 азы, Советон Цæдисы  арæзты  рæстæджы æмæ  стæй та  нæ бæстæйы, фæдылдзог контитуциты дæр» – райхъусын кодта Путин.

«Цæй зæгъын æй хъæуы, ахæм цæмæйдæр нæхи хъуамæ  бахизæм» – банысан кодта Уæрæсейы президент.

«Абсолютон уырнæг дæн,  цæмæй раст архайæм, уæвæг конституцимæ ивындзинæдтæ куы  хæссæм уæд.  Уыдонæй  фæфидардæр уыдзæн нæ паддзахаддзинад æмæ сæвзæрын кæндзæн  нæ бæстæйы  æнæфæивгъуийгæ  райрæзты уавæртæ»  –  загъта Владимир Путин.

Уæрæсейы  президентимæ интервьюйы  фрагмент «Россия 1»-ы  веб-фарсыл публикаци  абон скодтой.

Ныууадз комментари