АИШ-æ, Гуырдзыстон æмæ Украинæйæн  райрæзын кæндзæн æфсæсæддон æххуыс –  уый фæдыл  АИШ-ы   паддзахадон  нымæрдары  æххуысгæнæг   Уэс Митчелл  Сенаты   æддаг ахастыты  комитеты  уагъд  байхъуыстыл,  дзырдæй ралæуды рæстæджы  райхъусын кодта.

ЙÆ ныхæстæм гæсгæ,   афтæмæй  АИШ-=æ  Гуырдзыстон æмæ Украинæйæн æххуыс кæны, цæмæй   Уæрæсейæн  ныхмæ лæууын  хъом  бауой.

«Æххуыс кæнæм  Гуырдзыстон æмæ Украинæйæн, кæцытæм Уæрæсе  амæй размы  æртъхъирæн кодта тыхæй  спайдайæ.  Фылдæр кæнæм  ацы  бæстæтæ  æфсæддон  фæрæзæты  лæвæрд,  кæцы  æнæмæнг у  цæмæй  сæхи  иргъæвын хъом  уой. Мах сыхæлдтам  АИШ-ы раздæры  хицауады  æрдгæй,   ацы  бæстæтæ  хæцæнгарзы  алæвæрды тобæдзинад  æмæ æххуыс кæнæм дыууæдæр паддзахадæн   иргъæфы  потенциал  сбæрзонддæр кæныны» – райхъусын кодта Уэс Митчелл.

Уый  афтæдæр  фæныхас кодта  Трампы   администрацийы  æрдгæй  Европæйæн  æххуысы  фæдыл. Йæ ныхæстæм гæсгæ,  президент Трамп  зæгъгæ европæйы  æдасдзинад бахъахъъæнæн , 2017 азы  Варшавамæ визиты  рæстæджы  баныфсвæрдта.

«АИШ-æ  æнæиу хатт  демонстраци скодта уый  æмæ Европæйы   æмцæдисон  кæй у.  Уый  сбæлвырд кодтам  НАТО-ы  фæндзæм статийы иузæрдыгдзинадæй,  кæцы  колективон  иргъæф дары йæ хъуыдйы.  Мах афтæдæр   нывæрдтам  реалон ресурсытæ  Европæйы  иргъæфхъомады  фæтыхджындæры.  Æфсæддон  æххуыс кодтам  Украинæйæн, Гуырдзыстонæн, Молдовæйæн,  Балтийыбылы  бæстæтæн  æмæ Европæйы æндæр паддзахадтæн.  2018-2019 азмæ  Трампы  администраци  æркуырдта  11  миллиард  доллар,  кæцы Европæйы  æдасдзинад фæтыхджындæр кæныныл  хъуамæ  бахардз уа» – райхъусын кодта  паддзахадон нымæрдары  æххуысгæнæг.

Митчелл   афтæдæр фæныхас кодта   Уæрæсейы  æрдæм  АИШ-ы  политикæйы  фæдыл.   Уый ноджы иу  хатт рафæлхат кодта паддзахадон нымæрдары  фидиуæн,  цæмæй  АИШ-ы «Фæлмæн  политикæ»  Уæрæсейы  æрдæм  фæцис зæгъгæ.

Афтæдæр йæ ныхæстæм гæсгæ, Вашингтон зæгъгæ   цæттæ у  Уæрæсеимæ диалогмæ,  фæлæ  æрмæстдæр  уыцы цауы,   кæд æмæ Мæскуы  агрессивон политикæ уадзын бауромдзæн.