Уæрæсейы фæстаг æхсæв-боны мидæг «Ковид-19»-æй инфицирады 26 402 ног цау сбæрæг ис, амард 569 пациент
Уæрæсейы фæстаг æхсæв-боны мидæг коронавирусæй рынчынты æхсæн мæлынады рекордон нымæц сфиксир ис. Фæстаг 24 сахаты мидæг бæстæйы амард 569 ковид-рынчын.
Уæрæсейы фæстаг æхсæв-боны мидæг коронавирусæй инфицирады 26 402 ног цау сбæрæг ис.
Æмбæлгæ бæрæггæнæнтæ Уæрæсейы хицауады специалон веб-фарсыл æрцыд публикацигонд.
Официалон статистикæйæ, бæстæйы пандемийы райдайæнæй абоны онг коронавирусы 2,3 милуанæй фылдæр цау сбæрæг ис, сæ нымæцы, чи снæниз ис, ахæмты нымæц у 1 милуан 803 минæй фылдæр, 40 464 пациент та амард.