Уæрæсейы  цæугæ  протестон  рацыдтыл   3000-æй фылдæр  адæймагы  æрцахстой.  Æмбæлгæ  информаци  бартæхъахъхъæнæг  организаци  «ОВД-Инфо»   хъусын кæны, кæцы  Уæрæсейы  политикон  сурыны  темæтыл кусы.

Бартæ хъахъхъæнджытæ  æмæ   активисттæ  фæцæфуæвджыты  тыххæй хъусын кæнынц.  Æвдисæнты ныхæстæм гæсгæ  пъæлицæйæгтæ  архайынц электрошокертæй æмæ хъилтæй.

Афтæма «коррупциимæ  тохы фонды» хъусын кæнынц, цæмй  ахст у Алексей Навальныйы  бинойнаг, Юлия Навальная. Æрцахстуæвджыты нымæц  сты  мдеийы минæвæрттæ.

Уырыссаг  оппозиционер  Алексей Навальный,  кæцыйы  æхсæнадæмон фæдагуырдмæ гæсгæйæ,  сæрды, «Новичок»-ы типы   нервон-паралитикон буарадæй  фæмаргджын кодтой, 17 январы  Германийæ  æрыздæхыны фæстæ, Шереметьевойы аэропорты  æрцахстой æмæ йын 30 бонон ахст стæрхон кодтой.  Навальныйы  ссæрибар кæныны  æркуырдæй  æнтихицауадон акцитæ  Уæрæсейы   горæтты  сæумæрсомæй   райдыдта. Протестон   рацыдты онг  цалдæр бон размæ  барадхъахъхъæнджытæ   Алексей Навальныйы  æмбæлтты,  хæстæджыты  офистæ æмæ  цæрæн  хæдзæрттæ  баджигул кодтой æмæ цалдæр  адæймагы æрцахстой.  Æрцахстуæвджыты нымæцы сты  оппозиционеры æфсымæр, афтæма Навальныйы  æмбал  Любовь  Соболь, кæцытæн мидахст стæрхон кодтой.